 Je ĵaudo, la 30a de julio 2015, en salono Cart de la 100a Universala Kongreso en Lillo, de 12.15 ĝis 13.00 h., okazis la jara kunveno de IKEF. Ĉar la prezidanto kaj plejparto de la estraranoj ne povis ĉeesti, ne estis oficiala ĝenerala kunveno, sed nur neformala informkunveno. Estis ĉ. 25 ĉeestantoj.
Roland Rotsaert, kasisto, malfermis la kunsidon transdonante salulutojn de la prezidanto, Wang Tianyi (Ĉielismo). Tiu nun kun kelkaj aliaj estas negocanta kun ĉina kaj irano naciaj petrolkompanioj pri grava projekto. La kasisto mallonge prezentis la bilancon. En jaroj kiam ne estas oficiala ĝenerala kunveno, ĝi estas aŭtomate konsiderata aprobita se ne venas rimarkoj kelkajn monatojn post aperigo. Post tiu oficiala parto, la ĉeestantoj havis eblecon prezenti siajn proponojn kaj projektojn. * Jozef Reinvart (KN 1228), membro de la LKK de la venontjara universala kongreso en Nitra, Slovakio, skizis la preparojn de tiuj kongreso kiuj gravas por IKEF. Estos (apud konferencoj pri lingvopolitiko kaj religioj) Ekonomikisto Forumo, en kiu IKEF ludu gravan rolon. Dum la kongreso Slovakio havos prezidantecon de Eŭropa Unio; per tio eblos pli grandskale diskonigi la konferencojn. * Fabricio Valle (KN 2364), redaktoro de la revuo 'Esperanto' volonte aperigos en la revuo raportojn pri sukcesaj ekonomiaj/komercaj agadoj. Skribu al redakcio@revuoesperanto.org . * Trezoro - Huang Yinbao KN 99) estas ĉina komercisto.Li disponas pri la fonduso 'Ora Fonto' kiu povas disponigi modestan kapitalan al etaj komercistoj. * Jean Bosco Malanda (KN 2235) menciis la fondon de IKEF-filio en Kongo (post simila filio en Koreio). Post la oficiala registriĝo (kies proceduro nun estas okazanta), ĝi povos ekaktivi. * Ferdinand Kinkani (2185) vendas en la kongresejo poŝhorloĝojn profite al instruaj projektoj en Afriko. Li demandas kiel IKEF povas helpi en la instruado de afrikaj komercistoj. * Ji Ding (KN 1238), te-komercisto, demandis ĉu IKEF kapablas komerci kaj investi. La kasisto respondas ke ne eblas, ĉar IKEF estas neformala belga asocio. Estas pripensata kreo de oficiala 'Internacia Asocio' laŭ belga juro, sed la tiurilataj kostoj rapide foruzus la kapitalon de IKEF. * Victor Lufimpo Lukolama (KN 2293), afrikano nun loĝanta en Francio, atentigis pri la asocio 'Eŭropa Afrika Solidareco', kiel celas konstrui lernejojn en Afriko, kunlabore kun TAKE (Tutmonda Asocio de Esperantistaj Konstruistoj). * Denis-Serge Clopeau (KN 689) demandis sin kial eblas ke en Esperantujo ne estas grandegaj entreprenoj kiel ekzemple Amazon.com. La Esperanto-movado ja konas la ofertojn kaj bezonojn de pli ol 100 landoj. * Ivor Hueting (KN 2256) sugestas vendadon tra MLM-sistemoj (https://eo.wikipedia.org/wiki/Multnivela_merkatado), ekzemple www.lyoness.com .  Vuhano (Wuhan) estas unu el ok grandaj urbegoj en Ĉinio kaj nun havas pli ol dek milionojn da logxantoj. Ĝi estas trafika centro de la rivero Janzi kaj fervojo, potenca je peza industrio kaj eduko. La 10an de Majo 2015 (Dimanĉo), nome de IKEF-Ĉinio, Ĉielismo WANG, Ludoviko ZHAO kaj Hofso HU inpektis la kunvenejon, kunsidejon, manĝejon kaj hotelojn por la 9a Jarkunveno de ĉinaj E-komercistoj (IKEF-China 2015) , kaj kunsidis pri programo, akceptado kaj trafikhelpo por la partoprenontoj. La universitato esprimas al nia JK sinceran subtenon kaj intereson pri instruado de Esperanto kiel faka lingvo. La inspekto estas sukcesa, akompanata de samideano Davido DAI (direktoro de internacia sekcio de la universitato) kaj 10 studentoj de sia esperanto-kurso.  
Je la 26a de februaro 2015 en Bruĝo, Belgio, prelegis la nederlanda ĵurnalisto Fokke Obbema (eksterlanda redaktoro por la nederlanda ĵurnalo 'Volkskrant') pri 'Ĉinio sub Xi Jinping' (https://eo.wikipedia.org/wiki/Xi_Jinping).
Li estis invitita de la belga provinco Okcidenta Flandrio, kiu ekde kvarona jarcento kunlaboras kun la ĉina provinco Zhejiang. Multaj okcidentflandraj kompanioj investis tie. Ankaŭ estas organizataj staĝoj de belgaj studentoj en Ĉinio. La preleganto klopodis klarigi la idearon de la ĉina prezidanto Xi Jinping kaj de la ĉina politika elito (kiun li nomas 'la princidojn') ĝenerale. Tri aferoj gravas por kompreni la agadon de Xi Jinping:
Kion la ocidenta mondo atendu de Ĉinio?
Ĝis nun, apenaŭ videblas efikoj de tiuj reformoj, sed ĝenerale estas subteno de la civitanoj. La preleganto malkonsentas kun pesimistoj kiuj timas kolapson de la ĉina ekonomio. Tia risko estas malgranda, ĉar estas potencaj ŝtataj bankoj kaj grandegaj financaj rezervoj. Ekzistas iu 'ĉina revo' kun du gravaj datrevenoj:
La cetera mondo donu al Ĉinio la ŝancon iĝi parto de la monda komunumo. Ne estos facile. Ekzemple Internacia Mona Fonduso, Monda Banko kaj aliaj grandaj internaciaj organizaĵoj devos draste adapti sian funkciadon, kiu apenaŭ ŝanĝiĝis ekde la fino de la dua mondmilito. Usono devos iom post iom malgrandigi sian militistan ĉeeston en Azio. Reciproka fido plej bone ekestos je malalta nivelo, ekzemple ĉe studentoj kaj komercistoj; jam nun tio videblas en ĉinaj grandurboj. En kazo de politika problemo Eŭropo parolu kun unu voĉo; oni ne tro timo Ĉinion, ĉar ĝi havas sufiĉe da internaj problemoj. Post la prelego venis demandoj el la publiko, jen kelkaj: - Ĉu pro la demografiaj problemoj adaptiĝis la unu-infano-politiko? Respondo: jes, sed tro malfrue. Cetere, adaptiĝo estos sen utilo, ĉar plejparto de la familioj nur deziras unu infanon. - Kion pensi pri la grandskalaj ĉinaj investoj en Afriko? Respondo: estas pozitive; la ĉinoj ekspluatas mineralojn ktp kaj kompense investas en infrastrukturo. La eŭropanoj ne plendu, ĉar ili rifuzis plu investi. - Ĉu la problemoj de la medio estas serioze traktataj? Respondo: jes, ĉar ege urĝas. ---------- Fokke Obbema verkis libron (en nederlanda lingvo) pri la temo: 'China en Europa - Waar twee werelden elkaar raken' (Ĉinio kaj Eŭropo - Kie du mondoj sin tuŝas) (ISBN13 9789047006091). Twitter: https://twitter.com/fokkeobbema 
Karaj E-komercantoj tra la mondo,
Alvenas la nova jaro 2015. Nome de IKEF, mi devas danki al vi ĉiuj -batalantaj per Esperanto- por celo de IKEF! Memorante la jaron 2014, mi sentas fieron pro viaj kontribuoj al Esperanto, ekz., madagaskara IKEF-ano Henriel Fidilalao gajnis kunsidon kun prezidanta kabineto de sia registaro por prezenti investajn projektojn pere de ĉinaj esperantistoj. Ankaŭ helpe de iranaj membroj, mi kaj Kiraso nun povas peri iujn projektojn de naciaj kompanioj por konstrui 4 petrolajn platformojn, 100 ŝipojn, ŝtalfabrikon kaj petrolan havenon. Alivorte, niaj agadoj per Esperanto jam tuŝas nacian nivelon, kvankam ni ankoraŭ ne gajnas de tio, tamen Esperanto jam gajnas prestiĝon. Tradicia aranĝo kiel nia kunveno senĉese okazis kadre de UK 2014 en Bonaero, kvankam ĝi estas malproksima danke al nia veterano Jose Franquesa kaj IKEF-400 Trezoro Huang. Kaj la 8a Jarkunveno de ĉinaj E-komercistoj (IKEF-China 2014) sukcese okazis en havena urbego Tianjin. Tie ĉeestis ankaŭ du fabrikoj: ŝtala ŝnurfabriko kaj ŝosea vitrosferfabriko, de kiuj Xi’an da Vinci Importa-Eksporta Ko. Lta. regule kaj pojare mendis pli ol 2000 tunojn da ŝtalŝnuroj kaj 2000 tunojn da vitrosferoj por eksporti al Brazilo. La du fabrikoj deklaris al la partoprenantoj sin profitantoj de Esperanto. La venonta 9a Jarkunveno okazos en apudrivera urbego Wuhan, mi proponas ke niaj E-komercistoj partoprenu ĝin. Okaze de mia bondeziro por 2015, mi esperas ke niaj membroj fondu klubon, grupon aŭ asocion sub IKEF, ekz. IKEF-Koreio kaj IKEF-Chinio, se vi havos eblecon en via lando aŭ regiono. Praktike, ia kolektiva agado estas pli efika ol sporada batalo. Ankaŭ, se iu deziras fariĝi urba delegito aŭ landa peranto de IKEF, skribu al mi aŭ Roland Rotsaert. Nun la mondo ŝanĝiĝas favore al Esperanto, kaj nia IKEF ankaŭ devas esti pli aktiva en la nova epoko, evoluigante Esperanton al vera internacia lingvo, ĉar ajna vera internacia lingvo devas esti mondskala kaj ekonomia lingvo. Fine, mi refoje bondeziras al vi ĉiuj: sukceson kaj prosperon en 2015! Amike via, Chielismo Prezidanto de IKEF http://www.ikef-esperanto.net/  En la urbeto Louvain-La-Neuve, universitato urbo en Belgio, apud Bruselo, Wuhan East-Lake Hi-Tech Innovation Center (WHIBI) starigos na "China-Belgium Technology Center (CBTC)".
La vicministrino LIU YANDONG kaj vicministro Zhigang WANG ĉeestis la ceremonion dum kiu la universitato kaj la WHIBI subskribis la komercan interkonsenton. WHIBI, privata societo kies socia loĝejo estas en WUHAN, Ĉinio, ekde 1987 apogas novigantajn entreprenojn pri tre specialaj teknologioj kaj intencas subteni kaj helpi tiujn ĉinajn entreprenojn por eniri en la belgan kaj eŭropan merkaton. La projekto kostos 100 milionojn da euroj kaj provos pli efikigi la kunlaboron inter belgaj kaj ĉinaj entreprenoj. Oni taksas je 700 la nombro de ĉinoj kiuj loĝos en Louvain-La-Neuve. Tiu nombro estas relative granda ĉar la urbeto entenas nur 30.000 da loĝantoj. La foto montras la rektoron de la universitato kaj prezidanto de Wuhan Hi-tech International Business Incubator, sinjoro WEI GONG. 
Jen nia nova adreso: http://www.ikef-esperanto.net/
 Kunvenejo: Hotelo IBIS apud Stacio Tianjin (Tel:022-85580888) Tempo: 1a – 2a de Nov. 2014 (sabato kaj dimanĉo) Aliĝdato: 31a de Okt. 2014 (vendredo en Hotelo IBIS) Organizanto: IKEF-Ĉinio kaj Tianjin-a Esperanto-Asocio Kontaktanto: chielismo@hotmail.com (sro Chielismo Mobilo:+86-15009245863) Ret: hanzuwu@qq.com (sro Han Zuwu Mobilo:+86-13516153399 ) Aliĝkotizo: RMB300/persono, RMB500/entrepreno Hotelo: RMB229/dulita/tago aŭ unulita/tago Manĝo: RMB100/persono/tago(trifoje) Donaĵo: sako, skribilo, notlibro, memoraĵo… ekskurso al fabriko. :::Programo::: 31/10: aliĝi kaj hotelumi; dum 19:00 – 21:00 okazos Interkonatiĝo 01/11: dum 09:00 – 11:30 okazos oficiala jarkunveno gvidita de Zhao Chenghua (1) Oficiala prezentado de partoprenantoj kaj invititoj el Aŭstralio, Brazilo, Bulgario, Grekio, Hispanio, Irano, Koreio, Mongolio, Nepalo, ktp. kaj entreprenoj. (2) Legado de gravaj gratuloj (3) Prezidanto Chielismo legas aktivan raporton en la jaroj 2013 kaj 2014 (4) Honorigo al aktivaj personoj kaj kolektivoj (5) Kunfoto 01/11: dum 14:00 – 17:00 okazos prelegoj kaj titoligo (1)Prova agado de komerco per Esperanto je ŝtata nivelo (sro Kiraso ZHANG) (2)Esperantigi konkretajn varojn por ĉiu tagvivo (sro HU Fengsheng) (3)Sukcesa sperto en la urbo Xiamen (srino Fabina YU) (4)Projekto por fondi fakultaton de E-komerco en altlernejo (sro Karitato LI) (5)Aliaj raportoj aŭ prezentadoj (6)Titoligi kelkajn entreprenojn rilate al komerco kun Esperanto (7)Varbi E-oficistojn por entreprenoj kaj organizoj 02/11: dum 09:00 – 11:30 okazos oficiala jarkunveno gvidita de Zhao Chenghua (1)Prezenti, diskuti kaj subskribi negocajn protokolojn (2)Kanditatoj prezentos sian kondiĉon kaj favoron por la 9a Jarkunveno en 2015 (3)Ĉeestantoj ripozos kaj estraro diskutos kaj decidos gastigonton por la 9a JK. (4)Prezidanto Chielismo resumos la jarkunvenon kaj deklaros kanditaton de la 9a Jarkunveno en 2015. (5)Vicprezidanto Zhao Chenghua deklaros malfermon de la jarkunveno 02/11: dum 14:00 – 20:00 viziti titolitan fabrikon kaj ekskursi en Tianjin. AKTUALIGO: Foto el la jarkunveno  Jen sendube interesa kaj utila prelego de Zlatko Hinšt por uzantoj de Interreto, precipe por komercistoj, trafikistoj kaj aliaj fakuloj, kun tabeloj sub kiuj estas klarigoj pri indikiloj de trafika efikeco de fervojoj ktp. Du grafikaĵoj estis ellaboritaj surbaze de internacia fervoja statistiko de Internacia Fervoja Unuiĝo (UIC). 
IKEF-Koreio partoprenas ekspozicion de APEC en Yiwu, Ĉinio. Nome de la prezidanto de IKEF, du ĉinaj IKEF-anoj Kiraso kaj Urso iris al la ekspozicio por helpi aktivecon de IKEF-Koreio. Ni gratulas al IKEF-Koreio kaj esperas ke alilandaj samideanoj ankaŭ fondu siajn landajn filiojn nome de IKEF, tiel ke oni kune agadu por la utiligo de Esperanto.
|
IKEFInternacia Komerca kaj Ekonomia Fakgrupo 
|
||
RSS Feed
